𝐊𝐄𝐑𝐄𝐊𝐄 𝐘𝐀 𝐒𝐀𝐈𝐍𝐓 𝐉𝐎𝐇𝐍 𝐄 𝐈𝐏𝐄𝐋𝐄𝐋𝐀 𝐁𝐎𝐆𝐀𝐊𝐀 𝐉𝐖𝐀 𝐆𝐀 𝐌𝐌𝐀 𝐒𝐈𝐖𝐄𝐋𝐀

Motlotlegi Mothusa Tautona Rre Slumber Tsogwane o ne a tsene tirelo ya kereke ya Saint John Apostolic Faith Mission mosong ono mo Mahalapye. Kereke e ne e lemoga ebile e ipelela bodiredi jwa dingwaga tse di masome a marataro le boraro jwa ga Mme Sematho Siwela mo kerekeng.

Mothusa Tautona fa a tswa la gagwe, o lebogetse Mme Siwela go ineela mo tirong ya Modimo, o bile a mo lebogela go phatsimisetsa sechaba lebone le Modimo a le mo fileng. Rre Tsogwane o tlhalositse gore Modimo o file batho dineo ka go farologana, mme a rotloetsa gore go ithutiwe mo botsading jo bo tshwanang le Mma Siwela.

Motlotlegi Mothusa Tautona o kopile sechaba go nna mowa o le mongwe go rapelela Kagiso mo lefatsheng la Botswana, a re fa sechaba se ka kopanela thapelo Modimo o tlaa araba.

Moeteledi Pele wa kereke Bishop Johnson Mokgopo fa a amogela baeng, o kopile Mothusa Tautona gore Puso e sekaseke seelo se dikereke di se duelang Puso, a supa fa seelo se se okeditswe mme se babalela dikereke. A re dikereke ke tsone tse di thusang mo kgodisong ya bana go hema botlhoka tsebe, ka jalo fa di ka tswalwa seemo se ka tswa mo taolong.